چین اور امریکا 115 فیصد ٹیرف کم کرنے پر متفق

امریکا اور چین نے 90 روز کے لیے ٹیرف میں 115 فیصد کمی پر اتفاق کرلیا ہے، یہ بڑی پیشرفت معاشی دنیا کیلیے انتہائی اہم قرار دی جارہی ہے۔

جینیوا میں چینی حکام کی امریکی وزیر خزانہ اسکاٹ بیسنٹ سے ملاقات ہوئی، جس میں ٹیرف میں کمی پر اتفاق کیا گیا اور اس بات کا تصدیقی اعلان امریکی وزارت خزانہ نے کیا۔ 

امریکی وزارت خزانہ کی جانب سے جاری اعلامیے کے مطابق  امریکا اورچین نے باہمی تجارتی ٹیرف میں 115 فیصد کمی پر رضامندی ظاہرکردی ہے، دونوں ممالک نے اقدامات 90 دن کے لیے مؤخر کرنے کا فیصلہ کیا ہے۔

چینی وزارت تجارت نے بھی مذاکرات میں پیشرفت اور ٹیرف کم کرنے کی تصدیق کرتے ہوئے کہا ہے کہ ٹیرف میں کمی دونوں ممالک اور  دنیا کے مشترکہ مفاد میں ہے، امیدہے امریکا تجارت کے معاملے پرچین کے ساتھ کام کرتا رہےگا۔

دونوں ممالک کے حکام نے مذاکرات میں اس بات پر بھی اتفاق کیا کہ امریکا درآمد ہونے والی چینی مصنوعات پر30 فیصد ٹیرف عائد ہوگا اور چین درآمد ہونے والی امریکی مصنوعات پر 10 فیصد ٹیرف ہوگا۔