دبئی ایئرشو میں بھارت کا جنگی طیارہ گر کر تباہ، پائلٹ ہلاک

دبئی ایئر شو میں بھارت کا مقامی طور پر تیار کردہ لڑاکا طیارہ تیجس حادثے کا شکار ہوکر تباہ ہوگیا۔

بھارتی فضائیہ نے واقعے کی تصدیق کرتے ہوئے بتایا کہ طیارے کے پائلٹ کی موت واقع ہو گئی ہے۔

امریکی میڈیا کی رپورٹ کے مطابق یہ واقعہ مقامی وقت کے مطابق دوپہر 2 بجکر 10 منٹ پر پیش آیا، جب تیجس ایئر شو کے دوران ایروبیٹک اسٹنٹ کر رہا تھا۔ اسی دوران طیارہ توازن برقرار نہ رکھ سکا اور زمین سے ٹکرا کر تباہ ہوگیا۔

رپورٹس کے مطابق حادثہ فلائٹ ڈیمونسٹریشن کے دوران پیش آیا، جبکہ بھارتی میڈیا نے بھی اپنے طیارے کے گرنے کی تصدیق کرتے ہوئے کہا ہے کہ واقعے کی تحقیقات کا آغاز کردیا گیا ہے۔

BREAKING NEWS 🚨

Indian Tejas fighter crashes at Dubai Air Show during air display. #DubaiAirShow pic.twitter.com/GsoasbyXLh

— Ihtisham Ul Haq (@iihtishamm) November 21, 2025