دبئی ایئرشو میں بھارت کا جنگی طیارہ کیوں تباہ ہوا؟ ممکنہ وجوہات سامنے آگئیں

دبئی ایئر شو کے دوران گر کر تباہ ہونے والے بھارتی جنگی طیارے تیجس کے حادثے کی ممکنہ تکنیکی خرابیاں سامنے آئی ہیں۔

ایوی ایشن کے ماہرین کے مطابق طیارے کے مختلف حصوں میں ساختی مسائل، کنٹرول سسٹم کی ناکامی، انجن یا پاور پلانٹ میں خرابی اور الیکٹریکل سسٹمز کی ناکامی اہم وجوہات ہو سکتی ہیں۔

ماہرین نے بتایا کہ طیارے کے وِنگ، ٹیل پلین، ایلیرون، ایلیویٹر اور روڈر میں دراڑیں یا ڈھیلے ہِنجز، ہائی جی منووَر کے دوران فیول یا آئل سسٹم کی خرابی، پروپیلر یا روٹر میں مسئلہ، اور جدید ائیروبٹک سسٹمز جیسے آٹو اسٹیبلٹی یا فلائٹ کنٹرول کا ناکام ہونا حادثے کا باعث بن سکتے ہیں۔

اس کے علاوہ ایونکس سسٹم کی خرابی، کینوپی کا الگ ہونا، ہائی اسپیڈ ایروڈائنامک فیلئر اور انسٹرومنٹیشن میں غلطی بھی طیارے کے تباہ ہونے کے امکانات میں شامل ہیں۔

ماہرین کے مطابق حادثے کی تحقیقات کے بعد ہی طیارے کے گرنے کی اصل وجہ واضح ہو سکے گی، تاہم ابتدائی تخمینے کے مطابق یہ ممکنہ تکنیکی نقصات کی وجہ سے پیش آیا۔