دو ٹریفک حادثات میں 52 افراد ہلاک اور 65 زخمی، متعدد کی حالت تشویشناک

افغانستان کے صوبہ غزنی میں دو ٹریفک حادثات میں 52 افراد ہلاک اور 65 زخمی ہوگئے جن میں سے کچھ کی حالت تشویشناک ہے۔

افغان میڈیا رپورٹ کے مطابق صوبہ غزنی میں کابل قندھار ہوئی وے پر دو مسافر بسوں کو حادثات پیش آئے۔

پہلے حادثے میں ایک بس شہباز گاؤں کے قریب آئل ٹینکر سے ٹکرائی جبکہ دوسرا حادثہ مشرقی ضلع اندار میں پیش آیا۔

طالبان حکومت نے واقعات کی تصدیق کرتے ہوئے بتایا کہ ان میں 52 افراد ہلاک جبکہ 65 زخمی ہوئے ہیں۔ افغان طالبان کے ترجمان ذبیح اللہ مجاہد نے کہا کہ حادثات کی وجوہات کا پتا لگانے کیلیے تحقیقات شروع کردی ہیں۔