فلسطینی بچوں سمیت 8 شہری اسرائیلی حملے کے بعد آگ میں جھلس کر شہید

اسرائیلی فوج نے غزہ شہر کے وسط  تل ابیب میں ایک اسکول  جو پناہ گزینوں کی عارضی پناہ گاہ تھی اُس پر بم گرایا ہے جس کے نتیجے میں ہر طرف آگ لگ گئی اور 8 افراد جھلس کر ہلاک ہوئے ہیں۔

مقامی میڈیا کے مطابق حملے میں تین بچوں سمیت کم از کم 8 افراد جھلس کر ہلاک ہو گئے، بمباری غزہ شہر کے علاقے دراج میں واقع عبدالفنہ حمود اسکول پر کی گئی۔شمالی غزہ میں ہونے والے حملے میں متعدد افراد زخمی بھی ہوئے۔

مقامی میڈیا کی جانب سے فراہم کردہ تفصیلات کے مطابق اسرائیلی فوج نے بیچ کیمپ میں واقع اسماء اسکول اور غزہ شہر کے علاقے شجاعیہ میں الزملی خاندان سے تعلق رکھنے والے ایک گھر پر بھی بمباری کی ہے۔ تاہم جائے وقوعہ پر موجود صحافیوں نے جانی نقصان کی اطلاع نہیں دی۔

ایک روز قبل اسرائیلی وزیراعظم بنجمن نیتن یاہو نے کہا تھا کہ حماس کے ساتھ جنگ ​​بندی  کے باوجود غزہ میں اسرائیل کی فوجی کارروائی کو نہیں روکے گی۔

انہوں نے ایک مقامی میڈیا سے بات کرتے ہوئے کہا کہ "مقصد مغوی کی واپسی اور غزہ میں حماس کی حکومت کو جڑ سے اکھاڑ پھینکنا ہے۔" نیتن یاہو نے مزید کہا کہ رفح پر فوجی حملے کا شدید مرحلہ اپنے اختتام کے قریب ہے لیکن "اس کا یہ مطلب نہیں کہ جنگ ختم ہونے والی ہے۔"

یاہو نے کہا تھا کہ ’’جنگ کا شدید مرحلہ ختم ہونے کے بعد، ہمارے پاس فورسز کا کچھ حصہ شمال کی طرف منتقل ہونے کا امکان ہوگا۔ اور ہم یہ کریں گے۔ سب سے پہلے اور دفاعی مقاصد کے لیے۔ اور دوسرا، ہمارے [نکالے ہوئے] باشندوں کو گھر پہنچانا ہے‘‘۔

واضح رہے کہ 7 اکتوبر سے غزہ پر اسرائیل کی یک طرفہ جنگ میں کم از کم 37,626 افراد ہلاک اور 86,098 زخمی ہو چکے ہیں۔