فلوریڈا میں طیارہ گر کر تباہ ہوگیا، گھروں میں خوفناک آتشزدگی

امریکا کی ریاست فلوریڈا میں چھوٹا طیارہ گر کر تباہ ہوگیا جس میں سوار افراد کے بچنے کے امکانات کم بتائے جارہے ہیں۔

غیر ملکی میڈیا کےمطابق ریاست فلوریڈا میں ایک چھوٹا طیارہ جمعرات کی شام رہائشی علاقے موبائل ہوم پارک میں گرا جس کے بعد طیارے میں آگ لگ گئی جب کہ طیارے کی آتشزدگی سے متعدد موبائل گھروں نے بھی آگ پکڑ لی۔

رپورٹس میں بتایا گیا ہےکہ طیارہ حادثے کے نتیجے میں فوری طور پر ہلاکتوں کی تعداد پتا نہیں چل سکی ہے تاہم حادثے میں متعدد افراد کی ہلاکتوں کا خدشہ ظاہر کیا گیا ہے۔

فائر حکام کے مطابق طیارے کو حادثہ شام 7 بجے کے قریب پیش آیا جس کی اطلاع ملتے ہی ریسکیو اہلکار موقع پر پہنچ گئے، طیارہ ایک گھر کے اوپر گرا جس سے دیگر گھروں کو آگ لگ گئی۔

حکام کے مطابق سنگل انجن والے مسافرطیارے کے پائلٹ نے انجن کی خرابی پر مے ڈے کال دی جس کے بعداس کا رابطہ کنٹرول ٹاور سے منقطع ہوگیا۔

Small plane crash leaves multiple people dead in Florida