فرانسیسی انٹیلی جنس نے پاکستان کے ہاتھوں بھارتی رافیل طیارہ تباہ ہونے کی تصدیق کردی

فرانس کے ایک اعلیٰ انٹیلیجنس اہلکار نے امریکی میڈیا کو تصدیق کی ہے کہ پاکستان نے بھارتی فضائیہ کا ایک رافیل لڑاکا طیارہ مار گرایا ہے۔

امریکی نشریاتی ادارے سی این این سے گفتگو کرتے ہوئے فرانسیسی اہلکار نے کہا کہ حکام یہ جاننے کی کوشش کر رہے ہیں کہ آیا پاکستان نے واقعی ایک طیارہ گرایا یا پھر زیادہ کو نشانہ بنایا ہے۔

سی این این کے مطابق یہ پہلا موقع ہوگا کہ فرانسیسی ساختہ جدید جنگی طیارےکو کسی لڑائی میں نقصان پہنچا ہو۔

خیال رہے کہ ترجمان پاک فوج کے مطابق  پاکستان نے گزشتہ شب بھارتی حملوں کا بھرپور جواب دیتے ہوئے 5 بھارتی طیاروں کو مار گرایا جن میں 3 رافیل طیارے بھی شامل تھے۔