حماس نے 8 اسرائیلی یرغمالیوں رہا کردیا

حماس نے اپنے شہید رہنماء یحیی السنوار کے تباہ شدہ گھر کے قریب سے 8 اسرائیلی یرغمالیوں رہا کردیا ۔

غیر ملکی ذرائع ابلاغ کے مطابق حماس نے جنگ بندی معاہدے پر عمل کرتے ہوئے آج 8 اسرائیلی یرغمالیوں کو ریڈ کراس کے حوالے کردیا جس کے بدلے میں اسرائیلی جیلوں سے 110 فلسطینی قیدیوں کو رہا کردیا جائے گا۔

اسرائیلی میڈیا کا اس حوالے سے کہنا ہے کہ حماس نے ایک اسرائیلی خاتون فوجی، 5 تھائی شہری اور دو مزید اسرائیلی خواتین مغویوں کو رہائی دیدی۔

اسرائیلی خاتون فوجی 20 سالہ اگم برجر کو جبالیہ پناہ گزین کیمپ سے رہا کیا گیا ان کے بعد دو مزید اسرائیلی 29 سالہ اربیل یہود اور 80 سالہ گادی موسیس کو بھی رہا کیا گیا۔

علاوہ ازیں حماس نے تھائی لینڈ کے 5 شہریوں کو بھی رہا کیا۔ اس طرح آج مجموعی طور پر 8 یر غمالی رہا ہوگئے۔

حماس نے اسرائیلی یرغمالیوں کی رہائی کے لیے جو مقام چنا اس نے ہر کسی کو حیرانی میں مبتلا کردیا۔ یہ اسرائیلی فوج سے دلیرانہ لڑتے ہوئے جان قربان کرنے والی یحی السنوار کا تباہ حال گھر تھا۔

فلسطینیوں ک بڑی تعداد اپنے رہنما کے کھنڈر بنے گھر کے نزدیک موجود تھے اور ان کی یاد میں رو رہے تھے۔اس موقع پر جذباتی مناظر دیکھے گئے۔