جنوبی کوریا میں عوامی اور سیاسی مزاحمت نے مارشل لا کی کوشش ناکام

عوام اور اپوزیشن کی سیاسی جماعتوں کی بدولت جنوبی کوریا میں ایمرجنسی یا فوجی مارشل لا کے نفاذ کا منصوبہ ناکام ہو گیا ہے۔

جنوبی کوریا کے صدر نے گزشتہ روز مواخذے کی تحریک پیش ہونے سے قبل ملک میں ایمرجنسی کے نفاذ کا اعلان کیا جس کے بعد فوج نے اقتدار سنبھال لیا تھا۔

فوجی جوانوں نے اسمبلی میں داخل ہونے کے بعد کاروائی کو روکنے جب کہ سرکاری ٹیلی ویژن سمیت تمام عمارتوں میں کنٹرول سنبھالنے کی کوشش کی جس پر عوام کی جانب سے شدید مزاحمت بھی کی گئی۔

انٹرنیٹ پر سامنے آنے والی تصاویر میں دیکھا جا سکتا ہے کہ خواتین اور بزرگوں سمیت نوجوانوں نے فوجی گاڑیوں کے آگے کھڑے ہو کر نہ صرف مارشل لا کی کوشش کو ناکام بنایا بلکہ ان میں سے کچھ تو گاڑیوں کے نیچے تک لیٹ گئے تھے۔

اسی دوران اپوزیشن نے اسمبلی میں مارشل لا کے خلاف قرارداد پاس کی اور پھر مجبورا صدر کو عوامی اور سیاسی مزاحمت پر ایمرجنسی کے نفاذ کا اعلان واپس لینا پڑا جنوبی کوریا کے صدر نے فوج کو حکم دیا کہ وہ واپس چلی جائے۔

اس سے قبل جنوبی کوریا کے صدر نے اعلان کیا تھا کہ ملک میں چھ ماہ کے لیے مارشل لا نافذ کیا جا رہا ہے انہوں نے کہا تھا کہ اس دوران ہم ملکی ترقی کے لیے کام کریں گے جبکہ انہوں نے اپوزیشن جماعتوں پر ریاست مخالف ایجنڈے کا الزام بھی عائد کیا تھا۔