جرمنی نے اسرائیل کو 100 ملین ڈالر کے اسلحے کی برآمد کی منظوری دے دی

برلن: جرمنی نے پچھلے تین ماہ کے دوران اسرائیل کے لیے 100 ملین ڈالر کے فوجی ساز و سامان کو برآمد کرنے کی منظوری دی ہے۔

غیرملکی خبررساں ادارے کے مطابق یہ بات جرمن کی وزارت خارجہ نے بتائی ہے۔ اور یہ فیصلہ اس وقت سامننے آیا ہے جب 'ہیومن رائٹس گروپ ' نے غزہ میں اسلحہ کے استعمال کو انسانی حقوق کی خلاف ورزیوں پر مبنی قرار دیا ہے اور اس پر تشویش ظاہر کی ہے۔

جرمنی کی وزارت خارجہ کی طرف سے بتایا گیا ہے کہ اس نے پچھلے اگست سے لے کر اب تک 101.61 ملین ڈالر کا فوجی ساز و سامان اسرائیل کو بھیجنے کی منظوری دی ہے۔

یہ بات پارلیمان کو ایک سوال کے جواب میں بتائی گئی۔ سوال بائیں بازو سے تعلق رکھنے والے ایک رکن پارلیمان نے پوچھا تھا۔