کیلی فورنیا کے جنگلات میں امریکی تاریخ کی بدترین آتشزدگی، 3 لاکھ 50 ہزار ایکڑ اراضی خاکستر

کیلی فورنیا کے جنگلات میں لگنے والی آگ بدترین شدت اختیار کرگئی جس کے بعد اسے امریکی تاریخ کی سب سے خطرناک آتشزدگی قرار دے دیا گیا ہے۔

بین الاقوامی میڈیا رپورٹ کے مطابق شمالی کیلی فورنیا کے جنگلا میں لگنے والی آگ نے کئی ایکڑ اراضی کو خاک کردیا ہے جبکہ وقت کے ساتھ ساتھ شعلوں کی شدت بڑھ رہی ہے اور یہ تیزی سے دیگر رقبے پر بھی پھیل رہی ہے۔

فائر فائٹرز کے مطابق آگ نے ساڑھے 3 لاکھ اراضی کو اپنی لپیٹ میں لیا ہوا ہے جبکہ اب تک صرف دس فیصد آگ پر ہی قابو پایا جاسکا ہے جبکہ بجھانے کا عمل ہیلی کاپٹر سے بھی انجام دیا جارہا ہے۔

انتظامیہ نے آگ کی شدت کو دیکھتے ہوئے متاثرہ علاقے میں اطراف کے علاقے سے آبادی کو محفوظ مقامات پر منتقل کردیا ہے جبکہ خدشہ ظاہر کیا جارہا ہے کہ آتشزدگی میں ہزاروں جانوروں، حشرات، پرندوں کی اموات ہوسکتی ہین۔

امریکی صدر جو بائیڈن نے اپنی ٹیم کو آگ پر قابو پانے کی کوششوں میں ہر قسم کے تعاون کرنے کی ہدایت کردی۔