امریکا نے ایران پر مزید پابندیاں عائد کردیں

امریکا نے ایران سے متعلق نئی پابندیوں کا اعلان کرتے ہوئے متعدد افراد، اداروں اور بحری جہازوں کو پابندیوں کی فہرست میں شامل کردیا۔

امریکی وزیر خزانہ کے مطابق ایران سے تعلق رکھنے والے 12 افراد، 29 کمپنیوں اور 19 جہازوں کے خلاف کارروائی کی گئی ہے۔

امریکی حکام کا کہنا ہے کہ ایرانی تیل کی فروخت میں معاون بحری نیٹ ورک اور درمیانی کمپنیوں کے خلاف مزید اقدامات بھی جاری رہیں گے۔

وزیر خزانہ کے مطابق ایران سے منسلک پانچ سو ملین ڈالر سے زائد مالیت کی کرپٹو کرنسی بھی منجمد کردی گئی ہے، جبکہ ان پابندیوں کے ذریعے ایران کو تیل کی فروخت سے حاصل ہونے والی اربوں ڈالر کی آمدن محدود کرنے کی کوشش کی جارہی ہے۔