امریکہ کی ایران پر نئی پابندیاں

واشنگٹن : امریکی محکمہ خزانہ نے جمعہ کے روز ایران سے متعلق نئی اقتصادی پابندیاں عائد کرنے کا اعلان کیا ہے، جن کے تحت 10 ایرانی افراد اور 27اداروں کو ہدف بنایا گیا ہے۔

پابندیوں کی زد میں آنے والوں میں کم از کم دو کمپنیاں ایسی بھی شامل ہیں جن کے بارے میں کہا گیا ہے کہ ان کا تعلق ایران کی قومی آئل ٹینکر کمپنی سے ہے۔

میڈیارپورٹس کے مطابق وزارتِ خزانہ کے ماتحت غیر ملکی اثاثوں پر نظر رکھنے والے دفتر نے ان کمپنیوں کو خصوصی پابندیوں کی فہرست میں شامل کر دیا ہے، جس کے نتیجے میں ان کے امریکہ میں موجود تمام اثاثے منجمد ہو گئے ہیں۔