امریکی پولیس پر حملہ، ہلاکتیں

امریکا کی ریاست پنسلوینیا میں پیش آنے والے فائرنگ کے ایک خوفناک واقعے میں تین پولیس اہلکار جان سے ہاتھ دھو بیٹھے جبکہ دو شدید زخمی ہوگئے۔

واقعہ یارک کاؤنٹی میں اس وقت پیش آیا جب پولیس اہلکار علاقے میں ایک کیس کی تفتیش کر رہے تھے کہ اچانک ایک مسلح شخص نے ان پر اندھا دھند فائرنگ کردی۔

امریکی میڈیا کے مطابق قریبی موجود پولیس نے جوابی کارروائی کرتے ہوئے حملہ آور کو موقع پر ہی ہلاک کردیا۔ تاہم زخمی ہونے والے اہلکاروں کی حالت تشویشناک بتائی جا رہی ہے۔

پولیس حکام نے بتایا کہ حملہ آور کی شناخت فی الحال ظاہر نہیں کی گئی ہے، مزید تفصیلات تحقیقات مکمل ہونے کے بعد سامنے لائی جائیں گی۔