مسافر بس کو خوفناک حادثہ، 38 افراد جان سے گئے

مسافر بس اور ٹرک کے درمیان ہونے والے خوفناک تصادم کے نتیجے میں کم از کم 38 افراد ہلاک ہوگئے۔

غیر ملکی میڈیا رپورٹس کے مطابق برازیل کے جنوب مشرقی علاقے میں ہفتے کے روز ایک خوفناک بس حادثے میں کم از کم 38 افراد ہلاک ہوگئے، جسے برازیلین صدر نے 'خوفناک سانحہ'قرار دیا۔

بس سا پالو سے شمال مشرقی ریاست باہیا کے شہر وٹوریا دا کونکویسٹا جا رہی تھی۔

رپورٹ کے مطابق ٹرک سے تصادم کے نتیجے میں بس میں آگ لگ گئی جس کے باعث مسافر ہلاک ہوئے۔

حکام کے مطابق ایک اور گاڑی بھی بس سے ٹکرائی تھی لیکن اس کے مسافر محفوظ رہے۔

فائر فائٹرز نے عینی شاہدین کا حوالہ دیتے بتایا کہ حادثہ اس وقت پیش آیا جب ٹرک سے گرینائٹ پتھر کا ایک بلاک بس پر گرا۔