مودی رجیم کا کینیڈا میں بدامنی پھیلانے کے شواہد پر بھارتی ہائی کمشنر سمیت 6 سفارتی اہلکار ڈی پورٹ

کینیڈا کی حکومت نے سکھ رہنما ہردیپ سنگھ کے قتل کی تحقیقاتی رپورٹ اور شواہد سامنے آنے پر بھارتی ہائی کمشنر سمیت 6 سفارتی اہلکاروں کو ملک بدر کردیا۔

کینیڈین حکام نے بتایا کہ انتہائی قدم پولیس کی رپورٹ کے بعد اٹھایا گیا ہے جس میں نشان دہی کی گئی کہ کودی رجیم کینیڈا میں ہونے والے پرتشدد واقعات میں براہ راست ملوث ہے۔

ان کے مطابق مودی رجیم کو اوٹاوا میں تعینات بھارتی ہائی کمشنر سنجے کمار اور 6 سفارتی اہلکاروں کی سہولت کاری حاصل تھی۔

سکھ لیڈر ہردیپ سنگھ نجر کے قتل کیس کے سبب ان بھارتی سفارتکاروں کو کینیڈا سے ملک بدر کیا گیا ہے۔

ادھر بھارت نے دعویٰ کیا ہے کہ اس نے کینیڈا سے سفارتی تعلقات معطل کرتے ہوئے اپنے نمائندوں کو دہلی واپس بلالیا ہے۔