نیپال میں سیلاب سے 939 ہلاک، 5 ہزار لاپتہ

نیپال میں گلیشیئر پھٹنے کے بعد آنے والے تباہ کن سیلاب نے بڑے پیمانے پر تباہی مچا دی، مختلف علاقوں میں ہلاکتوں کی تعداد 939 تک پہنچ گئی جبکہ تقریباً 5 ہزار افراد تاحال لاپتا ہیں۔

میڈیا رپورٹس کے مطابق متاثرہ علاقوں میں لاپتا افراد کی تلاش اور امدادی کارروائیاں جاری ہیں۔ نیپالی فوج نے سرچ اینڈ ریسکیو آپریشن کے دوران مزید 12 لاشیں نکال لیں، جس کے بعد ہلاکتوں کی مجموعی تعداد 939 ہوگئی۔

شدید سیلاب کے باعث کئی علاقوں میں بڑے پیمانے پر نقصان ہوا ہے جبکہ امدادی ٹیمیں لاپتا افراد کی تلاش میں مصروف ہیں۔

دوسری جانب جنوبی کوریا نے بھی نیپال میں امدادی کارروائیوں میں مدد کے لیے 44 رکنی ہنگامی امدادی ٹیم بھیجنے کا اعلان کیا ہے۔