نیویارک میں کفایہ پہننے پر خاتون نے مسلم لڑکے کو دہشت گرد قرار دے کر ہراساں کیا

نیویارک میں ایک پریشان کن واقعہ سامنے آیا ہے جہاں ایک خاتون نے اوبر کے ڈرائیور مصطفیٰ محمد کو فلسطینی رومال ’کفایہ‘پہننے پر ہراساں کیا اور ویڈیو بھی شیئر کی ہے۔

رپورٹ کے مطابق خاتون کی شناخت ویلیری سیبگ کے نام سے ہوئی، جو کہ ایک رئیل اسٹیٹ بروکر ہے، اُس نے کھانا آرڈر کیا تو مصطفیٰ محمد کھانا لے کر پہنچا جس پر خاتون نے کفایہ دیکھ کر اُسے دہشت گرد قرار دیا۔

معاملہ اُس وقت مزید بڑھ گیا جب سیبگ اپنی کار میں محمد کا پیچھا کرتی رہی اور اُسے درمیان میں روک کر ہراساں کرتی رہی۔ یہاں تک کہ اس نے ٹکر مارنے کی بھی کوشش کی۔

محمد نے واقعے کی ویڈیو اپنے TikTok اکاؤنٹ پر شیئر کی ہے۔ جس کو دیکھنے والے شدید غم و غصے میں آئے اور انہوں نے لڑکی کو شدید تنقید کا نشانہ بناتے ہوئے سزا دینے کا مطالبہ کیا ہے۔