پاکستان کے جواب کا خوف، بھارت نے پورے ملک میں الرٹ جاری کردیا، ایئرپورٹس بند

پاکستان کی جوابی کارروائی کے خوف کے پیش نظر بھارت نے پورے ملک میں الرٹ جاری کردیا۔

بھارتی حکومت نے 25 ائیرپورٹس 9 مئی تک بند کردیے جس کے باعث سیکڑوں پروازیں منسوخ ہوگئیں ہیں۔

بھارت کی جانب سے بند کیے جانے والے ایئرپورٹس میں سری نگر، جموں، لیہہ، امرتسر، پٹھان کوٹ، چندی گڑھ، جودھ پور، جیسلمیر، شملہ، دھرمشالہ اور جام نگر  اور دیگر شامل ہیں۔

میڈیا رپورٹس کے مطابق بھارتی ائیر لائنز نے 200 سے زائد پروازیں بھی منسوخ کردی ہیں اور کئی ائیر لائنز نے اپنے فلائٹ آپریشنز بھی بند کردیے ہیں۔

بھارتی میڈیا رپورٹس کے مطابق ائیرپورٹس بند اور سیکڑوں پروازیں منسوخ ہونے سے بھارتی ائیرلائنز کو کروڑوں بھارتی روپے کا نقصان ہورہا ہے۔