پاکستان سے جھڑپ کے بعد افغان ترجمان کا اموات سے متعلق مضحکہ خیز دعوی

افغانستان کے قائم مقام حکومتی ترجمان ذبیح‌ اللہ مجاہد نے اتوار کو ایک نیوز کانفرنس میں دعویٰ کیا کہ پاک افغان سرحد پر ہونے والی تازہ جھڑپوں میں پاکستان کے 58 سکیورٹی اہلکار ہلاک اور 30 زخمی ہوئے۔

ان کے بقول مقابلوں کے دوران طالبان نے وقتی طور پر 20 سرحدی چوکیوں پر کنٹرول حاصل کیا مگر بعد ازاں وہیں چوکیوں کی واپسی کر دی گئی۔

ذبیح‌ اللہ مجاہد نے یہ بھی کہا کہ جھڑپوں میں نو طالبان مارے گئے اور 18 زخمی ہوئے۔

انہوں نے اس دوران داعش (خراسان) پر بھی پاکستان میں موجودگی اور سرحدی علاقوں میں اس کے مبینہ تربیتی مراکز کے بارے میں الزامات عائد کیے، اور عالمی برادری سے اس کا نوٹس لینے کا مطالبہ کیا۔

دوسری جانب پاکستان کے سیکیورٹی ذرائع نے 23 فوجیوں کی شہادت اور 29 کے زخمی ہونے کی تصدیق کی جبکہ 200 سے زائد افغان طالبان اور خوارج کی ہلاکت کا دعویٰ کیا ہے۔