پاکستانی خاتون پولیس اہلکار نے عالمی ایوارڈ جیت لیا

پاکستانی پولیس افسر انعم خان محمد شیر نے 'عالمی پولیس سمٹ ایوارڈز 2025' میں اعزاز حاصل کرکے ملک کا نام روشن کیا۔

سردارہ سٹی پولیس اسٹیشن کی پولیس افسر انعم خان محمد شیر نے دبئی میں منعقدہ 'عالمی پولیس سمٹ ایوارڈز 2025 میں 'ایکسیلنس ان کرمنل انویسٹی گیشن کا اعزاز حاصل کیا، جس سے پاکستانی قانون نافذ کرنے والے اداروں کو بین الاقوامی سطح پر پہچان ملی۔  

انعم خان کو پنجاب کے دو ہائی پروفائل قتل کیسز میں ان کی شاندار قیادت اور انویسٹی گیشنل کارکردگی پر یہ ایوارڈ دیا گیا۔ تقریب کا اہتمام دبئی پولیس نے UAE حکومت کے زیر سرپرستی کیا، جس میں 90 سے زائد ممالک کے پولیس افسران اور سیکورٹی پیشہ ور افراد نے شرکت کی۔  

=#کیسز میں شاندار کارکردگی

انعم خان نے 12 سالہ گھریلو ملازمہ عائشہ بی بی کے قتل کیس کی انویسٹی گیشن کی، جس میں صرف 72 گھنٹوں کے اندر ملزمان کو گرفتار کر لیا گیا۔ ان کی تیز کارروائی پر عوام کے ساتھ ساتھ پنجاب کے وزیر اعلیٰ نے بھی ان کی تعریف کی۔  

-

 دوسرے کیس میں، انہوں نے نوجوان محسن کے قتل کی تحقیقات کی قیادت کی اور 24 گھنٹے کے اندر مجرموں کو گرفتار کیا۔ ان کی بہترین کمانڈ، انصاف پر توجہ، اور تحقیقاتی مہارت کی وجہ سے پنجاب پولیس نے انہیں سراہا۔  

پاکستانی پولیس افسر کو 900 سے زائد بین الاقوامی امیدواروں میں سے منتخب کیا گیا، جو پاکستان کی پولیس فورس، خاص طور پر خواتین افسران، کی بڑھتی ہوئی پیشہ ورانہ صلاحیتوں کا منہ بولتا ثبوت ہے۔  

تقریب سے خطاب کرتے ہوئے انعم خان نے کہا کہ "یہ پاکستان اور پنجاب پولیس کے لیے ایک فخر کا لمحہ ہے۔ میں اپنے ملک کی نمائندگی کرکے بہت خوش ہوں کہ ہم نہ صرف قانون و امن برقرار رکھنے بلکہ بین الاقوامی معیارات کی پولیسنگ کرنے کے قابل ہیں۔ یہ ایوارڈ میرے پورے ٹیم اور ہمارے اصولوں کے لیے خراج تحسین ہے۔"