آپریشن عزم استحکام پر امریکا کا ردعمل سامنے آگیا

امریکا نے سوات میں ہجوم کے  ہاتھوں سیاح کی تشدد سے ہلاکت اور زندہ جلانے کے واقعے پر ردعمل جاری کردیا جبکہ آپریشن عزم استحکام کی حمایت کا بھی عندیہ دے دیا ہے۔

سوات واقعہ

واشنگٹن میں پریس بریفنگ دیتے ہوئے امریکی محکمہ خارجہ کے ترجمان میتھیو ملر نے ایک سوال کے جواب میں کہا کہ مذہبی طور  پر  تشدد کے واقعات پر تشویش ہے،  مذہبی آزادی، اظہار رائے کی آزادی اور پرامن اجتماع کے حق کا احترام کیا جائے۔

آپریشن عزم استحکام

انہوں نے کہا کہ پاکستان دہشت گردی اور انتہا پسندی سے نمٹنے کیلیے اقدامات کررہا ہے اور دہشتگردی سے نمٹنے کیلئے پاکستان کی کوششوں کی حمایت کرتے ہیں۔

 ان کا مزید کہنا تھا کہ ایسے اقدامات کی حمایت کرتے ہیں جن سے قانون کی حکمرانی اور انسانی حقوق کے تحفظ کو فروغ ملے، سکیورٹی معاملات پر پاک امریکا شراکت داری میں دہشتگردی کے خلاف بات چیت اور فنڈز کی فراہمی شامل ہے۔