پوپ فرانسس کی حالت تشویشناک ہوگئی

عیسائیوں کے روحانی پیشوا پوپ فرانسس کی طبیعت تشویشناک ہوگئی ہے۔

عالمی میڈیا کے مطابق ویٹی کن نے تصدیق کی کہ دہرے نمونیا اور دیگر طبی پیچیدگیوں کا شکار پوپ فرانسس کی حالت انتہائی تشویشناک ہے اور وہ موت و زندگی کی کشمکش میں ہیں۔

ویٹی نے اپنے اعلامیے میں بتایا کہ پوپ کی طبیعت کل کی نسبت آج زیادہ خراب ہے اور اس میں بہتری کے بجائے مزید خرابی آرہی ہے۔

اعلامیے میں کہا گیا ہے کہ ڈبل نمونیا کی وجہ سے ہسپتال میں زیرِ علاج پوپ فرانسس اتوارکی عبادت نہیں کروائیں گے۔

واضح رہے کہ پوپ فرانسس گزشتہ کئی روز سے ویٹی کن کے اسپتال میں داخل اور زیر علاج ہیں، دو روز قبل اُن کی رپورٹس آنے پر اس بات کا انکشاف ہوا تھا کہ وہ دہرے نمونیا کا بھی شکار ہوگئے ہیں۔