پیوٹن نے عالمی رہنماؤں کو ایک اور جنگ عظیم سے خبردار کردیا

انتخابات میں کامیابی حاصل کرنے کے بعد روسی صدر ولادیمیر پیوٹن نے نیٹو اور مغربی ممالک کو ایک اور جنگ عظیم سے خبردار کرتے ہوئے کہا ہے کہ یوکرین میں مغربی فوج کی موجودگی دنیا کو تیسری جنگ عظیم میں داخل کرسکتی ہے۔

غیر ملکی ذرائع ابلاغ کے مطابق اپنے الیکشن ہیڈکوارٹرز میں پانچویں مرتبہ ملک کا صدر منتخب ہونے کے بعد صحافیوں سے گفتگو کرتے ہوئے روسی صدر نے کہا کہ روس کوسوچنے کی ضرورت ہے کہ یوکرین میں امن کیلئے کس سے بات کی جاسکتی ہے۔

روسی صدر کا کہنا تھا کہ امید ہے کہ فرانس پرامن طریقے سے مسئلے کا حل نکالے گا۔

انہوں نے کہاکہ میری جیت روس کومضبوط بنادے گی، میرا نہیں خیال کے کوئی اس طرح کے منظر نامے میں دلچسپی رکھتا ہو، روسی فوج یوکرین میں ہر روز پیش قدمی کر رہی ہے اورہرطرح سے تیار ہے،

یاد رہے کہ روس کے صدر ولادیمیر پیوٹن نے عظیم کارنامہ سر انجام دیتے ہوئے روس کی دو سو سال کی تاریخ میں طویل حکمرانی میں جوزف اسٹالن کو پیچھے چھوڑ دیا۔

پیوٹن روس کی دو سو سال کی تاریخ میں طویل حکمرانی میں جوزف اسٹالن کو پیچھے چھوڑتے ہوئے صدارتی الیکشن جیت کر پانچویں بار روس کے صدر منتخب ہوگئے۔