رفح میں اسرائیلی بربریت، متعدد مہاجر فلسطینی شہید

اسرائیل نے تل ابیب پر القسام کے حملے کے بعد رفح میں غزہ مہاجرین کے کیمپ پر فضائی کارروائی کی ہے۔

عالمی عدالت انصاف کی جانب سے فیصلہ جاری ہونے اور تل ابیب میں حملے کے بعد اسرائیل نے رفح میں مہاجرین کے کیمپ پر راکٹ داغے۔

راکٹ حملوں کے نتیجے میں ہر طرف آگ لگ گئی جبکہ 50 سے زائد افراد شہید ہوئے جن کی تعداد میں اضافے کا خدشہ ہے۔

حملے کے بعد ہر طرف چیخ پکار ہوئی جبکہ لوگوں نے ایک دوسرے کی مدد کی۔

واضح رہے کہ اسرائیل کو عالمی عدالت انصاف نے دو روز قبل فوری طور پر رفح میں کارروائی روکنے کا حکم دیا تھا جس پر اسرائیل نے ہٹ دھرمی دکھاتے ہوئے آج حملہ کیا۔