سعودی عرب کا تیل کی تنصیبات کو نشانہ بنانے کیلیے فائر کیے گئے ڈرونز تباہ کرنے کا دعویٰ

سعودی عرب کے وزارت دفاع نے دعویٰ کیا ہے کہ دفاعی نظام نے عراق سے آنے والے ڈرونز کو فضا ہی میں تباہ کر دیا ہے۔

سعودی وزارت دفاع نے کہا کہ عراق سے فائر کیے گئے ڈرونز کے ذریعے ریاض اور مشرقی خطے میں قائم تیل کی تنصیبات کو نشانہ بنانے کی کوشش کی گئی تھی تاہم دفاعی نظام نے انہیں ہدف پر پہنچنے سے پہلے ہی تباہ کردیا ہے۔

سعودی وزارت دفاع کا کہنا ہے کہ یہ دہشت گردانہ کوششیں عراق، ایران سے منسلک شدت پسند ملیشیاؤں کی جانب سے کی گئیں۔ وزارت دفاع نے واضح کیا کہ سعودی عرب کو اپنے دفاع، صلاحیات کے تحفظ اور جواب دینے کا مکمل شرعی و قانونی حق حاصل ہے۔