سعودی عرب میں شدید گرمی کے باعث خطبہ جمعہ، نماز اور دعا 15 منٹ میں مکمل

سعودی عرب میں شدید گرمی کے باعث انسانی جانوں کے ضیاع کو بچانے کیلیے مسجد نبوی، مسجد الحرام سمیت تمام مساجد میں خطبہ جمعہ، نماز اور دعا پندرہ منٹ میں مکمل کرلی گئی۔

حرمین الشریفین کی جنرل پریذینسی کے سربراہ شیخ عبدالرحمان السدیس کی ہدایت پر نماز جمعہ کے لیے پہلی اور دوسری اذان کے درمیان وقفہ بھی کم کرکے 10 منٹ کیا گیا۔

نمازِ جمعہ کا خطبہ اور جماعت کا دورانیہ بھی 30 سے ​​45 منٹ کے بجائے 15 منٹ جب کہ دعا بھی مختصر کی گئی۔

عرب میڈیا کا کہنا ہے کہ گرمی کی شدت کم ہوتے ہی خطبات اور نماز کے اوقات کو دوبارہ سے بحال کردیا جائے گا۔