اسرائیل نے ایران میں صرف فوجی اہداف کو نشانہ بنایا، بائیڈن

تہران : ایران پر اسرائیلی حملے کے محدود اثرات کی تصدیق کرنے کے لیے امریکی صدر بائیڈن کا بیان بھی آگیا۔

غیرملکی خبررساں ادارے کے مطابق اتوارکو ایک بیان میں امریکی صدر جو بائیڈن نے کہا کہ ایسا لگتا ہے کہ ایران پر اسرائیلی حملے میں صرف فوجی اہداف کو نشانہ بنایا گیا ہے۔

امریکی صدر کا کہنا تھا کہ مجھے امید ہے کہ یہ حملے اسرائیل اور ایران کے درمیان مہینوں سے جاری باہمی کشیدگی کو اختتام پذیر کرنے والے ہوں گے۔