اسرائیل اور سعودی عرب کے تعلقات پر ولی عہد کی اہم وضاحت

سعودی ولی عہد محمد بن سلمان نے اسرائیل کو تسلیم کرنے سے متعلق اپنے مؤقف اور سعودی عرب کی پالیسی کی وضاحت کردی۔

عرب میڈیا کے مطابق سعودی عرب کی شوری کے سالانہ اجلاس میں محمد بن سلمان شریک ہوئے اور انہوں نے اسرائیل سے متعلق پالیسی بیان دیا۔

اپنے بیان میں انہوں نے اسرائیلی بربریت کی مذمت کرتے ہوئے فلسطینیوں کی مدد اور حمایت جاری رکھنے کے عزم کا اعادہ کیا۔ محمد بن سلمان نے فلسطین کو ریاست تسلیم کرنے والے ممالک کا شکریہ ادا کیا اور کہا کہ سعودی عرب فلسطین کو ریاست تسلیم کروانے کی راہ ہموار کررہا ہے۔

انہوں نے واضح کیا کہ فلسطینی ریاست کے قیام تک اسرائیل کے ساتھ کسی بھی قسم کے تعلقات قائم نہیں کیے جائیں گے، مسئلہ فلسطین سعودی عرب کی کاز میں سرفہرست ہے۔