سائفر کیس کے فیصلے پر امریکا کا ردعمل

امریکا نے اسلام آباد ہائیکورٹ کی جانب سے سائفر کیس میں عمران خان اور شاہ محمود قریشی کی بریت پر ردعمل جاری کردیا۔

سائفر کیس کے فیصلے پر امریکی محکمہ خارجہ کے ترجمان میتھیو ملر کی پریس کانفرنس میں ردعمل دیتے ہوئے کہا کہ بانی پی ٹی آئی کے خلاف قانونی کارروائی کا فیصلہ پاکستانی عدالتوں کو کرنا ہے۔

میتھیو ملر نے کہا کہ بانی پی ٹی آئی سے متعلق کئی بار واضح جواب دے چکے ہیں، پاکستانی عدالتی فیصلوں پر اثر انداز نہیں ہوں گے۔

امریکی محکمہ خارجہ کے ترجمان نے کہا کہ الزامات پر پاکستان کی عدالتیں اپنے قانون کے مطابق فیصلہ کریں گی۔