تحریک انصاف پر پابندی کیخلاف امریکا میدان میں آگیا، حکومتی فیصلے پر شدید ردعمل

امریکا نے حکومت پاکستان کی جانب سے تحریک انصاف کے پابندی کے فیصلے پر سخت ردعمل جاری کردیا۔

امریکی محکمہ خارجہ کے ترجمان میتھیو ملر نے پریس بریفنگ کے دوران پوچھے گئے سوال پر جواب دیتے ہوئے تحریک انصاف پر ممکنہ پابندی کے حکومتی فیصلے پر تشویش کا اظہار کیا۔

انہوں نے کہا کہ سیاسی جماعت پر پابندی سے متعلق حکومت کے بیانات دیکھے، جنہیں دیکھ کر محسوس ہوتا ہےکہ پاکستان میں سیاسی پیچیدہ عمل کا آغاز ہونے جارہا ہے تاہم یہ اندرونی معاملہ ہے جس پر امریکا نے نظر رکھی ہوئی ہے۔

میتھیو ملر نے کہا کہ کسی بھی سیاسی جماعت پر پابندی تشویش کا باعث ہے کیونکہ اس سے انسانی حقوق، آزادی اظہار رائے، آئینی اور جمہوری اصولوں کی خلاف ورزی ہوتی ہے۔

انہوں نے کہا کہ امریکا نے جمہوری اور قانون کی حکمرانی کی ہمیشہ سے حمایت کی اور انصاف کے اقدامات پر زور دیا ہے۔