تانبے کی کان دھنسنے سے 43 افراد جان سے گئے

برازاویلا: افریقی ملک کانگو میں تانبے کی کان دھنسنے سے 43 افراد ہلاک ہوگئے۔

غیر ملکی خبررساں ایجنسی کے مطابق کانگو میں میں تانبے کی کان میں پل گر گیا اور کان دھنسنے سے کم از کم 43کان کن  ہلاک ہوئے۔حادثہ کانگو کے صوبے لوالابا میں پیش آیا۔

صوبہ لوالابا کے وزیر داخلہ نے بتایا کہ اب تک 43 لاشیں نکالی جا چکی ہیں جبکہ مزید افراد کی تلاش جاری ہے۔

وزیر داخلہ نے بتایا کہ شدید بارش اور لینڈ سلائیڈنگ کے خطرے کے باعث اس مقام تک رسائی پر پابندی تھی، لیکن غیر قانونی کان کنوں نے زبردستی کان میں داخل ہونے کی کوشش کی۔

انہوں نے بتایا کہ ڈوبے ہوئے حصے پر عارضی پل بنایا گیا تھا، جو کان کنوں کی زیادہ تعداد گزرنے سے گر گیا۔کانگو میں تقریبا 2 لاکھ افراد غیر قانونی کانوں میں کام کرتے ہیں، جو خطرناک حالات کی وجہ سے بدنام ہیں۔