ٹرمپ کا وینزویلا میں کارروائیاں جلد شروع کرنے کا عندیہ

واشنگٹن: امریکی صدر ڈونلڈ ٹرمپ نے اشارہ دیاہے کہ امریکہ وینزویلا کی سرزمین کے اندر منشیات کی سمگلنگ کے نیٹ ورکس کے خلاف ایک نیا قدم اٹھانے کی تیاری کر رہا ہے۔

 امریکی ٹی وی کے مطابق تھینکس گیونگ کے موقع پر امریکی فوجیوں کے ساتھ ایک مبارکباد کی کال کے دوران ٹرمپ نے کہا کہ زمینی کارروائیاں بہت جلد شروع ہوں گی۔

 یہ ایک ایسا اضافہ ہے جو لاطینی امریکہ میں امریکی مشغولیت کے قواعد میں تبدیلی کی عکاسی کرتا ہے۔ٹرمپ نے کال میں فوجیوں سے کہا کہ حالیہ ہفتوں میں آپ وینزویلا کے منشیات سمگلروں کو روکنے کے لیے کام کر رہے ہیں اور وہ یقینا بہت زیادہ ہیں۔

 آپ نے شاید نوٹ کیا ہو گا اب بہت سے لوگ سمندر کے راستے نہیں آ رہے ہیں۔ انہوں نے مزید کہا کہ ہم انہیں زمین کے ذریعے بھی روکنا شروع کر دیں گے۔

 زمین آسان ہے لیکن یہ بہت جلد شروع ہو جائے گا۔ پھر انہوں نے منشیات کے سمگلروں کو خبردار کرتے ہوئے کہا کہ ہم انہیں خبردار کرتے ہیں کہ ہمارے ملک میں زہر بھیجنا بند کردو۔