ٹرمپ کی 10 فیصد اضافی ٹیرف کی دھمکی پر چین کا ردِعمل

بیجنگ: امریکی صدر ڈونلڈ ٹرمپ کی برکس ممالک کو 10 فیصد اضافی ٹیرف کی دھمکی دینے پر چین کا ردِ عمل سامنے آیا ہے۔

چین نے صدر ڈونلڈ ٹرمپ کی برکس ممالک پر 10 فیصد مزید ٹیرف کی دھمکی کی مخالفت کرتے ہوئے کہا ہے کہ ٹیرف کو ہتھیار کے طور پر استعمال کرنے کی مخالفت کرتے ہیں۔

چینی وزارت خارجہ کے ترجمان کا کہنا تھا کہ ٹیرف کا استعمال کسی کے مفاد میں نہیں۔

امریکی صدر ڈونلڈ نے برکس کی پالیسیوں کو امریکا مخالف قرار  دیتے ہوئے مزید کہا کہ آج مختلف ممالک کو ٹیرف سے متعلق خطوط ارسال کر دیے جائیں گے، برکس کی امریکا مخالف پالیسی کا ساتھ دینے کے معاملے پر کسی ملک کو چھوٹ نہیں ملے گی۔