ٹرمپ پر حملے کے عین وقت کی تصویر کس نے لی؟

امریکی اخبار نیویارک ٹائمز کے فوٹو گرافر نے ٹرمپ پر ہونے والے حملے کے عین وقت کی انتہائی قیمتی تصویر اتفاق سے بنائی جو پوری دنیا میں مشہور ہوگئی۔

تفصیلات کے مطابق امریکا ریاست پنسلوینیا میں سابق امریکی صدر ڈونلڈ ٹرمپ پر ہونے والے قاتلانہ حملے کی ڈرامائی تصویر سامنے آئی ہےم جسے فوٹو گرافر ڈگ ملز نے کیمرے کی آنکھ سے محفوظ کیا۔

اس تصویر میں ٹرمپ کے بہت قریب سے گولی کو کراس ہوتے دیکھا جاسکتا ہے، ایف بی آئی نے امکان ظاہر کیا ہے کہ ٹرمپ کے جبڑے اور کان کو گولی چھوتی ہوئی گزری جس کے باعث اُن کے چہرے پر زخم بھی آیا۔

واضح رہے کہ ٹرمپ پر حملہ کرنے والے شخص کی شناخت بیس سالہ امریکی شہری تھامس میتھیوس کوکرس  کے نام سے ہوئی ہے۔