ٹرمپ سے ملاقات میں ممدانی نے فلسطین میں جاری مظالم پر امریکا کو آئینہ دکھا دیا

امریکی صدر ڈونلڈ ٹرمپ اور نیویارک سٹی کے نومنتخب میئر زوہران ممدانی کی اوول آفس میں پہلی ملاقات ہوئی جس میں دونوں رہنماؤں نے سیاسی اختلافات کے باوجود شہر کی بہتری کے لیے مل کر کام کرنے کا عزم ظاہر کیا۔

انتخابی مہم کے دوران ٹرمپ نے مدنی کو “جہادی” کہا تھا، تاہم ملاقات میں انہوں نے ممدانی کی تعریف کی اور انہیں “سمجھ دار اور ذمہ دار رہنما” قرار دیا۔

 ٹرمپ نے ایک بار پھر انتخابی بیانات کو مہم کا حصہ قرار دے کر نرم مؤقف اپنایا۔

مدنی نے ملاقات میں مہنگائی، غربت اور نیویارک کے معاشی بحران سمیت کئی مسائل پر گفتگو کی۔ انہوں نے ٹرمپ پر زور دیا کہ امریکا بیرونی تنازعات میں مداخلت کم کرے، خاص طور پر غزہ پر اسرائیلی حملوں کی امریکی فنڈنگ کے حوالے سے اپنی تشویش کا اظہار کیا۔

ملاقات کے دوران ایک صحافی کے سوال پر مدنی نے تصدیق کی کہ وہ اب بھی ٹرمپ کو “فاشسٹ” سمجھتے ہیں، جس پر ٹرمپ نے ہنستے ہوئے کہا کہ وہ اپنی رائے دے سکتے ہیں۔

دونوں رہنماؤں نے کہا کہ وہ نیویارک کے عوام کی بھلائی کے لیے تعاون جاری رکھیں گے۔