ایران میں رسولۖ کی توہین کرنے پر گلوکار کو موت کی سزا

ایران نے پیغمبرِ اسلام صلی اللہ علیہ وآلہ وسلم کی توہین کرنے پر پاپ گلوکار امیر حسین المعرف ٹیٹالو کو سزائے موت سنا دی۔

عرب میڈیا کا اس حوالے سے کہنا ہے کہ ایران کے معروف پاپ گلوکار کو توہین رسالت پر گزشتہ برس ترکیہ سے بلا کر گرفتار کیا تھا۔

قبل ازیں گلوکار کو توہینِ مذہب پر 5 سال قید کی سزا سنائی گئی تھی تاہم یہ مقدمہ دوبارہ کھولا گیا اور اس بار نبی صلی اللہ علیہ وآلہ وسلم کی گستاخی بھی ثابت ہوگئی۔

جس پر عدالت نے پراسیکیوٹر کے پچھلی 5 سال قید پر اعتراض کو تسلیم کرتے ہوئے پیغمبرِ اسلام کی توہین کرنے پر 37 سالہ گلوکار کو موت کی سزا سنا دی۔

یاد رہے کہ گلوکار امیر حسین 2018 سے استنبول میں مقیم تھے اور توہین مذہب و رسول صلی اللہ علیہ وآلہ وسلم پر ایران کی درخواست پر ترک پولیس نے گرفتار کرکے دسمبر 2023 میں ایران کے حوالے کردیا تھا۔

اس سے قبل جسم فروشی کو فروغ دینے، اسلامی جمہوریہ کے خلاف پروپیگنڈا پھیلانے اور فحش مواد شائع کرنے کے الزام میں بھی گلوکار کو 10 سال قید کی سزا سنائی گئی تھی۔