ایران نے جوہری ہتھیاروں کے استعمال کا عندیہ دے دیا

ایران نے کہا ہے کہ نطنز جوہری سائٹ پر اسرائیلی حملے اور تین اعلی فوجی کمانڈروں اور چھ جوہری سائنسدانوں کی ہلاکت کے بعد اس جارحیت نے دنیا کو تہران کے دفاعی مقاصد کے لیے جوہری ہتھیار حاصل کرنے کے جواز کو سمجھا دیا ہے۔

 ایرانی حکومت نے ایک بیان میں کہا کہ ایسے شکاری (predatory)  ریجم سے صرف طاقت کی زبان میں بات کی جانی چاہیے، جس میں واضح طور پر اسرائیل کی طرف اشارہ کیا گیا۔  

دوسری جانب امریکی صدر ٹرمپ نے دھمکی دیتے ہوئے کہا ہے کہ ایران نے اگر جوہری معاہدے کی ڈیل نہ کی تو حملے مزید خطرناک ہوں گے۔

امریکی صدر نے اپنے بیان میں کہا کہ ایران کو معاہدے کی ڈیل کے لیے پیش کش کی تھی مگر کوئی فائدہ ہوا اور نہ انہوں نے جواب دیا۔

ٹرمپ کا یہ بیان اس بات کی غمازی ہے کہ ایران پر کیے جانے والے حملوں میں امریکا کی پشت پناہی حاصل ہے۔