بہن کو مگر مچھ سے بچانے والی خاتون کیلئے شاہی اعزاز کا اعلان

میکسیکوسٹی:  میکسیکو سے تعلق رکھنے والی برطانوی خاتون نے اپنی جڑواں بہن کو مگر مچھ کے نوکیلے جبڑوں سے بچانے کا کارنامہ انتہائی بہادری کے ساتھ انجام دیا۔

غیر ملکی ذرائع ابلاغ کے مطابق اس ہمت اور برادری کا مظاہرہ کرنے پر انہیں برطانوی شاہی خاندان کے بادشاہ کی جانب سے بہادری کے میڈل کے اعزاز سے نوازا جائے گا۔

یہ خوفناک واقعہ جارجیا اور میلیسا لوری نامی جڑواں بہنوں کے ساتھ سال 2021 میں میکسیکو میں پیش آیا۔28 سالہ میلیسا اور جارجیا لوری ایک جھیل میں تیراکی کر رہی تھیں جب انہوں نے مگر مچھ کو اپنے قریب آتے دیکھا جس کے بعد انہوں نے وہاں سے دوڑ لگانے کی کوشش کی۔

مگرمچھ نے میلیسا کو پانی کے اندر گھسیٹ لیا تھا جبکہ جارجیا کنارے پر پہنچ چکی تھیں۔میڈیا رپورٹس کے مطابق میلیسا پانی کے اندر ڈوب رہی تھیں کہ ان کا چہرہ ان کی بہن جارجیا لوری نے دیکھا اور اپنی بہن کو بچانے کے لیے دریا میں چھلانگ لگا دی۔

میلیسیا کی ٹانگ اور پائوں پر متعدد زخم آئے وہیں مگرمچھ سے مقابلے کے دوران جارجیا ایک ہاتھ سے مگر مچھ کے سر پر مکے برسا رہی تھیں جبکہ ان کا دوسرا ہاتھ زخمی ہوگیا تھا۔

31 سالہ جارجیا نے 2 بار مگرمچھ سے مقابلہ کرکے اپنی جڑواں بہن کی جان بچائی۔دونوں بہنیں کافی مشکلات کا سامنا کرتے ہوئے دریا کی کشی میں سوار ہو کر اسپتال پہنچیں۔