بیٹی کی شادی سے چند روز قبل بھاگنے والی خاتون کا ہر صورت داماد کے ساتھ شادی کا اعلان، بیٹی اور شوہر پر سنگین الزامات

بھارتی ریاست اتر پردیش کے ایک قصبے میں اپنی بیٹی کی شادی سے چند روز قبل داماد کے ساتھ بھاگنے والی خاتون نے ویڈیو پیغام جاری کردیا۔

دلہن کی ماں سپنا اپنے داماد راہول کے ساتھ فرار ہوئی جس کے بعد سب حیران رہ گئے۔

یہ معاملہ اُس وقت مزید دلچسپ رخ اختیار کر گیا جب دونوں نے چند روز بعد پولیس کے سامنے خودسپردگی اختیار کی۔ راہول نے تمام الزامات کو رد کرتے ہوئے کہا کہ وہ کسی قسم کا زیور یا رقم لے کر فرار نہیں ہوا۔ مگر سب کو چونکا دینے والا بیان سپنا کا تھا۔

سپنا نے پولیس کو دیے گئے بیان میں کہا کہ "شوہر کا رویہ ناقابلِ برداشت ہو چکا تھا، وہ شراب پی کر مجھے مارتا تھا، اور بیٹی بھی ہر بات پر طعنہ دیتی تھی۔ اس لیے میں نے راہول کے ساتھ نئی زندگی شروع کرنے کا فیصلہ کیا ہے۔"

سپنا نے واضح الفاظ میں کہا کہ اب وہ کسی بھی قیمت پر راہول کے ساتھ ہی شادی کرے گی۔

یہ واقعہ معاشرتی رویوں، خاندانی مسائل اور ذاتی آزادی جیسے حساس موضوعات پر کئی سوالات کھڑے کرتا ہے۔ کیا یہ ایک خاتون کی بغاوت تھی یا ایک جذباتی فیصلہ؟ اس پر سوشل میڈیا پر بھی مختلف آرا سامنے آ رہی ہیں۔