جاپان میں بچوں کو پہلوانوں سے رلوانے کا انوکھا مقابلہ

جاپان کے دارالحکومت ٹوکیو میں بچوں کو رلانے کے لیے سومو پہلوان اکھاڑے میں اترے۔

بین الاقوامی میڈیا رپورٹ کے مطابق جاپان میں ہر سال کی طرح اس سال بھی بچوں کو رُلانے کے لیے سومو پہلوانوں کے درمیان مقابلہ ہوا جس میں تقریبا 100 بچوں نے شرکت کی۔

رپورٹ کے مطابق بچے اپنے والدین کے ہمراہ تھے جن کو انہوں نے ریسلرز کے حوالے کیا اور پھر سومو پہلوانوں نے انہیں رلانے کے لیے مختلف طریقے آزمائے۔

جاپان میں بچوں کو رلانے کے مقابلے گزشتہ 33 برس سے منعقد کیے جارہے ہیں اور ماہرین اس کو بچوں کی بہتر صحت و تندرستی قرار دیتے ہیں۔