کھٹ پٹ کی آواز سن کر کچن میں آئے تو ایسی چیز دیکھی کہ پیروں سے زمین نکل گئی، خوفناک واقعہ

امریکی ریاست فلوریڈا کے ایک گھر میں شہری کھٹ پٹ سُن کر باروچی خانے میں آئے اور پھر وہاں پر ایک چیز دیکھ کر اُس کے پیروں تلے زمین نکل گئی۔

تفصیلات کے مطابق فلوریڈا کے فورٹ مائیرز میں رہنے والے پال کوئن کو اپنے گھر کے کچن میں ایک غیر متوقع مہمان سے واسطہ پڑا، جب وہاں ایک تقریباً 8 فٹ لمبا مگرمچھ داخل ہوگیا۔

پال نے تازہ ہوا کے لیے کچن کا دروازہ کھلا چھوڑ دیا تھا، جس کا فائدہ اٹھاتے ہوئے یہ مگرمچھ آنگن سے ہوتا ہوا کچن میں گھس آیا۔  

پال کے مطابق، وہ گزشتہ اتوار کو اپنی ای میل چیک کر رہے تھے کہ اچانک انہیں آنگن کی اسکرین ٹوٹنے کی آواز آئی۔ جب وہ وہاں پہنچے تو انہوں نے دیکھا کہ ایک بڑا مگرمچھ کچن میں موجود ہے، جو اسکرین توڑ کر اندر داخل ہوا تھا۔  

پال نے فوری طور پر 911 اور فلوریڈا فش اینڈ وائلڈ لائف کنزرویشن کمیشن کے ٹریپر کو اطلاع دی۔ جس کے بعد رضاکاروں نے پہنچ کر مہارت سے مگرمچھ کو پکڑا اور اسے محفوظ طریقے سے گھر سے باہر منتقل کیا۔