مریض کے پیٹ سے لوکی برآمد، مریض پریشان

بھارت میں ڈاکٹرز نے پیٹ میں درد کی شکایت لے کر آنے والے مریض کے پیٹ سے 16 انچ لمبی لوکی نکال لی۔

بھارتی ریاست مدھیا پردیش میں 60 سالہ کسان پیٹ میں شدید درد کی شکایت پر اسپتال پہنچا جہاں ڈاکٹرز نے اُس کی تکلیف کی شدت کو دیکھتے ہوئے کچھ ضروری ٹیسٹ کیے۔

ڈاکٹرز نے مریض کا ایکسرے کیا تو اُس کی بڑی آنت میں کوئی موجود تھی پھر کیمرا ڈال کر جب جدید ٹیسٹ کیا گیا تو دیکھا وہ لوکی تھی۔

ڈاکٹرز کی جانب سے مریض کو بڑی آنت میں لوکی کی موجودگی کے حوالے سے بتایا گیا اور اسے اسپتال میں فوری داخل کرتے ہوئے 2 گھنٹوں تک آپریشن کیا۔ ڈاکٹرز نے بتایا کہ آپریشن کے بعد مریض کی بڑی آنت سے 16 انچ لمبی لوکی کو نکال لیا گیا جبکہ مریض کی حالت خطرے سے باہر بتائی گئی ہے۔