ویلنٹائنز ڈے پر گدھا اور گدھی کی شادی

بھارت کے شہر بنگلورو میں ویلنٹائن ڈے کے موقع پر ایک منفرد تقریب منعقد کی گئی جہاں دو گدھوں کی باقاعدہ شادی کرائی گئی۔ اس دلچسپ تقریب نے شہریوں کی توجہ اپنی جانب مبذول کر لی۔

رپورٹس کے مطابق دونوں جانوروں کو دلہن اور دلہا کی طرح سجایا گیا، انہیں پھولوں کے ہار پہنائے گئے اور تقریب میں موسیقی کا بھی اہتمام کیا گیا۔ وہاں موجود افراد نے اس منفرد شادی کو خوب انجوائے کیا۔

تقریب کے منتظمین کا کہنا تھا کہ محبت کا پیغام صرف انسانوں تک محدود نہیں ہونا چاہیے بلکہ جانوروں کے ساتھ بھی شفقت اور احترام کا رویہ اختیار کرنا ضروری ہے۔ ان کے مطابق اس تقریب کا مقصد محبت، ہمدردی اور برداشت کا پیغام دینا تھا۔

یاد رہے کہ ہر سال 14 فروری کو دنیا بھر میں ویلنٹائن ڈے منایا جاتا ہے، جس میں لوگ اپنے پیاروں کو تحائف اور پھول دے کر محبت کا اظہار کرتے ہیں۔