عید کی آمد، کھانے کی اشیاء کی قیمتوں میں ہوشرباء اضافہ

پاکستان میں عید الفطر کا چاند نظر آگیا، کل ملک بھر میں عید الفطر مذہبی جوش و جذبے سے منائی جائیگی، مگر عید سے ایک قبل کھانے پینے کی اشیا کی قیمتوں میں ہوشرباء اضافہ ہوگیا ہے۔

لاہور کی اگر بات کی جائے تو بغیر ہڈی مرغی کے گوشت کی قیمت 1200 روپے فی کلو تک پہنچ گئی۔ ٹماٹر بھی ہائی جمپ کرکے 60 سے بڑھ کر 180 روپے فی کلو ہوگیا۔

سبز مرچ 110 سے بڑھ کر 200 روپے کلو میں فروخت ہونے لگی، پیاز 40 سے بڑھ کر 60 ، لیموں 150 سے بڑھ کر 250 روپے میں فروخت ہونے لگے۔  پھل بھی مہنگے کردیئے گئے۔

چینی 164 کے سرکاری ریٹ کے بجائے بدستور 170 سے 180 روپے کلو بک رہی ہے۔

راولپنڈی میں بھی بکرے اور گائیکیگوشت کی قیمتوں میں من مانا اضافہ کردیا گیا۔

ضلعی انتظامیہ کی جانب سے گراں فروشوں پر جرمانیکییگئے اور صدر کے علاقے میں 35 دکاندار گرفتار کرلییگئے۔

کوئٹہ میں مرغی کے گوشت کی فی کلوقیمت 750سیبڑھ کر 840 روپے پر پہنچ گئی، بکرے کے گوشت کی فی کلو قیمت میں 100روپے اور بیف میں 50 روپے اضافہ ہوگیا۔