آئندہ بجٹ میں کاروں کی قیمتوں میں کمی کا امکان

حکومتی ذرائع کے مطابق، پاکستان 2025-26 کے وفاقی بجٹ میں گاڑیوں اور آٹو پارٹس پر ٹیکسوں میں نمایاں کمی متعارف کرانے کے لیے تیار ہے، جس سے ممکنہ طور پر صارفین کے لیے گاڑیوں کی قیمتیں بڑے پیمانے پر کم ہوسکتی ہیں۔

کسٹم ڈیوٹی میں 20% کمی (فی الحال 15-90% )درآمدی گاڑیوں پر اور آٹو پارٹس پر عائد 2 فیصد اضافی کسٹم ڈیوٹی کو مکمل طور پر ختم کیا جائے۔

ٹیکسٹائل، کیمیکلز اور اسٹیل پر مشتمل صنعتی خام مال کے لیے 4-7% ڈیوٹی سلیب میں مرحلہ وار کمی کا امکان ہے۔

2 جون کے قریب پیش کیے جانے والے بجٹ کو پاکستان کے موجودہ قرض پروگرام کے تحت بین الاقوامی مالیاتی فنڈ (آئی ایم ایف) کے ساتھ جاری مذاکرات کے دوران حتمی شکل دی جا رہی ہے۔

حکام 14.3 ٹریلین روپے کے ٹیکس ہدف پر کام کر رہے ہیں، جس میں ٹیکس کی بہتر تعمیل سے 600 ارب روپے اور محصولات کے نئے اقدامات سے 400 ارب روپے متوقع ہیں۔

ڈیوٹی میں کمی کا مقصد آٹو انڈسٹری کو فروغ دینا ہے جبکہ درمیانی طبقے کے خریداروں کو ریلیف فراہم کرنا ہے،" وزارت خزانہ کے ایک اہلکار نے نام ظاہر نہ کرنے کی درخواست کرتے ہوئے بتایا کہ اس حوالے سے بات چیت جاری ہے۔

آٹو سیکٹر، جس نے گزشتہ سال زیادہ قیمتوں کی وجہ سے فروخت میں 40 فیصد کمی دیکھی، نے مجوزہ اصلاحات کا خیر مقدم کیا ہے۔ صنعت کے ایک نمائندے نے کہا کہ "یہ صارفین کی طلب کو بحال کر سکتا ہے۔"