دو روز کمی کے بعد سونے کی قیمت آج بڑھ گئی

کراچی: سونے کی قیمت میں گزشتہ 2 روز کی مسلسل کمی کے بعد آج کاروباری روز کے دوران اضافہ ہوگیا۔

آل پاکستان جیمز اینڈ جیولرز ایسوسی ایشن کا کہنا ہے کہ سونے کی فی تولہ قیمت 900 روپے اضافے کے بعد 3 لاکھ 36 ہزار 100 روپے ہے۔

ایسوسی ایشن کے مطابق 10 گرام سونے کی قیمت بھی 772 روپے اضافے سے 2 لاکھ 88 ہزار 151 روپے ہے۔

دوسری جانب عالمی بازار میں سونے کی قیمت 9 ڈالر اضافیسے 3177 ڈالر فی اونس ہے۔