فی تولہ سونے کی قیمت میں ایک بار پھر بڑا اضافہ

کراچی: آج کاروباری روز کے دوران ملک بھر میں سونے کی فی تولہ قیمت میں ایک بار پھر بڑا اضافہ ریکارڈ کیا گیا۔

آل پاکستان جیمز اینڈ جیولرز ایسوسی ایشن کے مطابق آج فی تولہ سونے کی قیمت میں 3500 روپے کا اضافہ ہوا ہے جس کے بعد ایک تولہ سونے کی قیمت  3 لاکھ 51 ہزار روپے ہوگئی ہے۔

ایسوسی ایشن کے مطابق 10 گرام سونے کی قیمت 3000 روپے کے اضافے کے بعد 3 لاکھ 925 روپے ہوگئی ہے۔

دوسری جانب عالمی بازار میں سونے کی قیمت 35ڈالر  اضافے کے بعد  3326 ڈالر فی اونس ہے۔