پاکستان میں سونا آج بھی مزید مہنگا ہوگیا

کراچی: آج کاروباری روز کے دوران ملک میں سونے کی فی تولہ قیمت میں 3 ہزار روپے کا اضافہ ہوگیا۔

آل پاکستان جیمز اینڈ جیولرز ایسوسی ایشن کا اس حوالے سے کہنا ہے کہ اضافے کے بعد ملک میں آج سونے کی فی تولہ قیمت 3 لاکھ 21 ہزار روپے ہے۔

ایسوسی ایشن کا کہنا ہے کہ ملک میں 10گرام سونے  کی قیمت 2 ہزار 572  روپے اضافے سے 2 لاکھ 75 ہزار 205 روپے ہے۔

دوسری جانب بین الاقوامی مارکیٹ میں سونے کی قیمت 30 ڈالر اضافے سے 3 ہزار 40  ڈالر فی اونس ہے۔