پاکستان ریلوے نے کرایوں میں اضافہ کردیا

اسلام آباد: پاکستان ریلوے نے لاہور اور راولپنڈی کے درمیان چلنے والی ریل کار ٹرینوں کے کرایوں میں اضافہ کر دیا گیا۔

ترجمان پاکستان ریلوے کے مطابق ریل کار سبک خرام اور ریل کار سبک رفتار کے کرائے بڑھا دیئے گئے ہیں، ٹرینوں کے کرایوں میں اضافے کا اطلاق آج سے ہو گا۔

پاکستان ریلوے کے ترجمان کے مطابق کرایوں میں 150 روپے سے 250 روپے تک کا اضافہ کیا گیا، کرایوں میں اضافے کے عوض مسافروں کو ریفریشمنٹ فراہم کی جائے گی۔

ترجمان کا کہنا تھا کہ لاہور اور راولپنڈی کے درمیان اے سی پارلر کا کرایہ 2500، اے سی بزنس کا 2250 ہو گیا ہے، اے سی اسٹینڈرڈ کا کرایہ 2100، اکانومی کلاس کا کرایہ 1300 روپے کر دیا گیا ہے۔